O‘zbekiston Respublikasi hukumatining 2018 yil 15 fevraldagi qarori bilan 2018-2019 yillarda adliya organlari va muassasalarining binolarini qurish va ta'mirlash dasturi tasdiqlandi.

Unga ko‘ra, hududiy adliya organlari va ularning tizimida faoliyat ko‘rsatuvchi FHDYo organlarining moddiy-texnika bazasini mustahkamlash maqsadida respublika bo‘yicha jami 36 ta yangi bino qurish belgilandi. Bu haqda Adliya vazirligining huquqiy axborot kanalida ma'lum qilinmoqda.

Xususan, 31 ta FHDYo organi uchun yangi va zamonaviy binolar qurish rejalashtirilgan bo‘lsa, 15 ta FHDYo organining binolarini ta'mirlash ko‘zda tutilmoqda.

Mazkur tadbirlarni amalga oshirish uchun 100 mlrd. so‘mdan ortiq mablag‘lar ajratildi.