ЕЧЛ. "Реал" мағлубиятни ғалабага айлантирди, "Ливерпуль" "Порту"га имкон қолдирмади

Спорт 03:07 / 15.02.2018 30841

2017/18 йилги Чемпионлар Лигаси 1/8 финалининг навбатдаги учрашувлари ўтказилди. 

Куннинг марказий ўйини "Реал Мадрид" ҳамда "ПСЖ" ўртасида кечди. "Реал" ўзи мезбонлик қилган учрашувда 3:1 ҳисобида ғалабани қўлга киритди. 
Рабьо 33-дақиқада гол уриб, парижликларни ҳисобда олдинга олиб чиқди. Биринчи бўлимнинг сўнгги дақиқаларида Роналду пенальтини аниқ амалга ошириб, орадаги фарқни йўққа чиқарди.

Учрашув асосий вақти тугашига 7 дақиқа қолганида Роналду дубль қайд этиб, жамоасини ҳисобда олдинга олиб чиқди. 86 дақиқада Марсело якуний ҳисобни ўрнатди. 

Куннинг иккинчи жуфтлик баҳсида "Ливерпуль" сафарда "Порту" дарвозасига жавобсиз 5та гол урди. 

Салоҳ ҳамда Фирмино 1тадан гол урган бўлса, Мане ҳеттрикка эришди. 

Реал Мадрид Испания – ПСЖ Франция 3:1 (1:1, 2:0)

Голлар: 0:1 – 33 Рабьо, 1:1 – 45, пенальти Роналду, 2:1 – 83 Роналду, 3:1 – 86 Марсело.
Реал Мадрид – Навас, Начо, Варан, Рамос, Марсело, Модрич, Каземиро (Васкес, 79), Кроос, Иско (Асенсио, 79), Бензема (Бэйл, 68), Роналду.
ПСЖ – Ареоля, Дани Алвес, Маркиньос, Кимпембе, Берчиче, Верратти, Ло Чельсо (Дракслер, 84), Рабьо, Мбаппе, Кавани (Менье, 66), Неймар.
Огоҳлантиришлар: Неймар (14), Ло Чельсо (25), Иско (32), Рабьо (64), Начо (78), Менье (90).

Порту Португалия – Ливерпуль Англия 0:5 (0:2, 0:3)

Голлар: 0:1 – 25 Мане, 0:2 – 29 Салоҳ, 0:3 – 53 Мане, 0:4 – 69 Фирмино, 0:5 – 85 Мане.
Порту – Жозе Са, Рикарду Перейра, Рейес, Маркано, Теллес, Сержиу Оливейра, Эррера, Марега, Отавио (Корона, 46), Браими (Уорис, 62), Соарес (Гонсалу Пасиенсия, 74).
Ливерпуль – Кариус, Александер-Арнолд (Гомес, 79), Ловрен, ван Дейк, Робертсон, Милнер, Хендерсон (Матип, 75), Вейналдум, Салоҳ, Фирмино (Ингз, 80), Мане.