Ўзбекистон 2018 йил январь ойида нечта енгил автомобиль ишлаб чиқаргани маълум 

Иқтисодиёт 09:10 / 13.02.2018 20620

Ўзбекистон 2018 йил январь ойида енгил автомобиллар ишлаб чиқаришни 2017 йилнинг шу даврига нисбатан 60,6 фоизга, яъни 12,17 минг донагача оширди. Бундан Давлат статистика қўмитаси маълумотлари дарак бермоқда.

Январь ойида юк автомобиллари ишлаб чиқарилиши сони 177 тани ташкил этган бўлиб, бу 2017 йил январига нисбатан 36,1%га кам.

2018 йил январь ойида Ўзбекистонда автобус ишлаб чиқариш 2017 йил январига нисбатан 2,5 фоизга камайди - 40 донагача.

Ўзбекистон корхоналари ҳисобот даврида автомобиль двигателлари ишлаб чиқариш ҳажмини 58,2 фоизга оширди - 9,22 мингга қадар.