Миллатлар ҳамдўстлигида Елизавета II меросхўрлари яширин равишда муҳокама қилинади

Жаҳон 15:44 / 13.02.2018 5669

Британия миллатлар ҳамдўстлиги Буюк Британия қироличаси Елизавета IIнинг эҳтимолий ворисларини муҳокама қилмоқда. Бу ҳақда «Би-би-си» юқори мансабли манбаларга асосан хабар берди.

Ҳамдўстлик Лондонда йиғилиб, халқаро ташкилотни бошқариш масалаларини муҳокама этадиган «юқори даражадаги гуруҳни» ташкил қилди. Бироқ, манбалар маълумотига кўра, гуруҳ апрелда 92 ёшга кирадиган қиролича Елизавета II ҳаётдан кўз юмадиган бўлса, эҳтимолий воқеалар ривожи бўйича масалани кўриб чиқишни режалаштирмоқда.

Бу масала жуда оғир, сабаби Миллатлар ҳамдўстлиги раҳбари роли авлоддан авлодга ўтмайди ва қиролича вафот этганидан сўнг шаҳзода Чальз Уэльсликка автоматик равишда топширилмайди.

Саммит кун тартиби «раҳбариятнинг кенгайтирилган масалалари» бандига эга, бироқ, манбалар сўзларига қараганда, бу банд ҳуқуқий ворислик масаласининг кодли белгисидир.