Қирғизистонда Ўзбекистон билан чегарада фуқаро яралангани ҳолати юзасидан жиноий иш қўзғатилди

Ўзбекистон 16:40 / 13.02.2018 15228

Қирғизистонда Ўзбекистон билан чегарани ноқонуний равишда кесиб ўтиш чоғида фуқаронинг яралангани ҳолати бўйича жиноий иш қўзғатилди. Бу ҳақда Қирғизистон Омбудсман институти матбуот хизматидан хабар беришган.

Ола-Буқа тумани Ички ишлар бўлими томонидан 2018 йилнинг 6 февраль куни ўзбек чегарачилари томонидан Қирғизистон фуқаросининг яралангани ҳолати бўйича Қирғизистон Жиноят кодексининг 3та моддаси билан жиноят иши қўзғатилгани айтилмоқда.

Иш Қирғизистон президенти девони ва бош вазири назоратида турибди. Ола-Буқа ИИБ тергов хизмати суриштирув ишларини давом эттирмоқда.

Эслатиб ўтамиз, аввалроқ Қирғизистон Ўзбекистон билан чегарада яраланган фуқаро бўйича суриштирув давом этаётганини маълум қилганди.