Туркия АҚШни Суриядаги курдларга қурол етказиб беришни кўпайтиришда айблади

Жаҳон 20:10 / 13.02.2018 4366

АҚШ Сурия курдлари мудофаа кучларига (YPG) қурол-яроғ етказиб бериш ҳажмини оширган. Бу ҳақда Туркия бош вазири Биноли Йилдирим маълум қилди.

Туркия ва АҚШ муносабатлари турклар расмий Вашингтонни Сурия курдлари мудофаа кучларини қўллаб-қувватлашда айблаши ортидан таранглашмоқда. Туркия Сурия шимолидаги курдлар ташкилотини террорчилик ташкилоти деб ҳисоблайди. Ўз навбатида АҚШ бу кучларни ИШИДга қарши курашда қўллашини иддао қилади.

«Бундай баҳонанинг ўзи жиноят. Сурияда ИШИД хавфи йўқ қилинган, АҚШ ва террорчилар (YPG) ҳамкорлигига сабаб қолмаган. Вашингтоннинг террорчилар билан ҳамкорлигини давом эттиришини қандай тушуниш керак? Нега АҚШ уларга янада кўпроқ қурол етказиб бермоқда?», дея вазирнинг сўзларини келтирган Anadolu агентлиги.

Унинг сўзларига кўра, «YPG террорчилари ташқаридан ёрдам келишига умид қилишидан фойда йўқ, уларнинг яксон этилиши дамлари яқин».