Фарғонада хусусий тадбиркорни калтаклаб, сўнг ёқиб юборишди

Жамият 12:10 / 13.02.2018 162511

4 февраль куни Фарғона вилоятининг Боғдод туманида яшовчи, Т.М. ИИБга мурожаат қилиб, 3 февраль куни соат 16.30ларда бирга яшаган ўғли, хусусий тадбиркор, 1977 йилда туғилган Р.М. Риштон туманида жойлашган «Бўстон маззали таомлари» номли чойхонада ўртоқлари билан ўтирган вақтида номаълум шахс томонидан чақириб олингани, сўнг ўртоқларининг олдига қайтиб кирмасдан ҳамда яшаш уйига келмасдан бедарак йўқолганлигини маълум қилган. 

Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар бермоқда.

Олиб борилган суриштирув ишлари натижасида 3 февраль куни соат 11.00 ларда Боғдод тумани Мирзаобод МФЙ яшовчилар 1987 йилда туғилган У.Р., 1993 йилда туғилган Ш.М., 1981 йилда туғилган С.Ғ.лар маст ҳолда бўлган танишлари, Мирзаобод МФЙ яшовчи 1994 йилда туғилган Ж.Т. ва Конизар МФЙда яшовчи 1987 йилда туғилган Д.Х. билан бирга Р.М.ни Риштон туманидаги «Бўстон маззали таомлари» номли чойхонадан кўчага чақиртириб С.Ғ. бошқарувидаги «Ласетти» русумли автомашинага ўтказиб, уни «Мирзаобод тутзори» фермер хўжалиги дала майдонига олиб бориб, Р.М.ни қасддан ўлдириш мақсадида бир неча маротаба уриб ҳушсиз ҳолатга келтиришган.

Улар содир этган жиноятларини яшириш мақсадида Р.М.нинг устига ўзлари билан олиб келган бензин ёқилғисини сепиб ёқиб юборганликлари маълум бўлган. Кўрилган чоралар натижасида У.Р, Ш.М., С.Ғ., Ж.Т. ва Д.Х.лар қўлга олинган.