Тошкент вилоятида ўсимликларни ҳимоя қилиш масалалари бўйича семинар ўтказилади 

Ўзбекистон 23:30 / 12.02.2018 4172

13 февраль куни Тошкент вилоятида ўсимликларни ҳимоя қилиш масалалари бўйича семинар ўтказилади. Унда ғалла, ғўза, боғ, ток ва сабзавот ўсимликларини ҳимоя қилиш, зараркунандаларга қарши курашиш учун талаб этиладиган биомаҳсулотлар захираларини яратиш тўғрисида муҳокама бўлиб ўтади. Тадбирда вилоят ҳокими- Ғ.Ибрагимов иштирок этади.

Йиғилишда туманларда фаолият юритаётган 38 та биолаборатория мудирлари ва туман “Агрокимёҳимоя” филиаллари мудирларининг ўринбосарлари ҳамда масалага алоқадор вилоят ва туман ташкилотлари раҳбарлари иштирок этади.

Тошкент вилоятида бугунги кунда 38 та биолаборатория мавжуд бўлиб, ушбу биолабораториялар бу йилги мавсумга тўлиқ таъмирдан чиқарилиб, ишга туширилди.

Мавсумда энтомофагларни ишлаб чиқариш режаси Олтинкўз февраль ойидан, Бракон, Трихограмма ишлаб чиқариш март ойидан режалаштирилган. Бугунги кунда бу энтомофагларни биолабораторияларда кўпайтирилмоқда. 

Мавжуд биолабораторияларнинг беталофат ишлаши ҳамда кўпайтирилган биомаҳсулотларни фермер хўжаликлари ва деҳқон хўжаликларига белгиланган тартибда сифатли етказиб бериш мақсадида вилоят “Маҳалла” хайрия жамғармаси томонидан 25 дона моторолер, 30 дона музлатгич, 30 дона кондицеонер ва 26 дона электр печлари тақдим этилади.