«PSJ» Fransiya Kubogining 1/8 finalida quyi divizion vakili «Sosho»ni yirik hisobda mag‘lubiyatga uchratdi. Monbelyardagi «Ogyust Bonal» stadionida kechgan uchrashuv mehmonlar jamoasining 4:1 hisobidagi g‘alabasi bilan yakunlandi. 

Parijliklar safida argentinalik havbek Anxel Di Mariya birinchi daqiqadayoq hisobni ochdi, u o‘yin davomida yana ikki gol urdi. Bundan tashqari 28-daqiqada Edinson Kavani bitta gol urdi. Mezbonlarning yagona goliga Floryan Martin muallif bo‘ldi.

O‘yin oxirida poytaxt jamoasi darvozaboni Kevin Trapp qizil kartochka oldi, ammo bu hisobga ta'sir ko‘rsatmadi. Bu vaqtga kelib Unai Emeri barcha almashtirishlardan foydalanib bo‘lgani bois Trappning o‘rnini jamoa himoyachisi Dani Alves egalladi.

Neymar «PSJ»ning bu o‘yiniga zayavka qilinmagandi.

Fransiya Kubogi
1/8 final
Sosho – PSJ 1:4 (1:2, 0:2)
Gollar: 0:1 – 1 Di Mariya, 1:1 – 13 Marten, 1:2 – 27 Kavani, 1:3 – 58 Di Mariya, 1:4 – 62 Di Mariya.
Sosho – Ati-Zidji, Ojye, Bergdish, Alfons, Berenger, Meyte, Marten (Bakayoko, 21), Tarde, Ruis, Ba, Tuzgar (Robine, 59).
PSJ –    Trapp, Tiago Silva, Kimpembe, Kurzava, Mene, Draksler, Di Mariya, Diarra (Motta, 73), Verratti (Pastore, 68), Mbappe, Kavani (Dani Alves, 68).
Ogohlantirish: Verratti (35).
Chetlatish: Trapp (90).