Дам олиш кунлари Ўзбекистонда ҳаво ҳарорати кескин пасаяди

Ўзбекистон 15:41 / 24.01.2018 102919

27-29 январь кунлари Ўзбекистон ҳудудига Шимолий Қозоғистон орқали Ғарбий Сибирда ҳосил бўлган совуқ ҳаво оқими кириб келади. Бу ҳақда "Ўзгидромет" маркази хабар бермоқда.

Маълумотларга кўра, Ўзбекистон бўйлаб совуқ ҳаво ҳарорати меъёрдан 7-12 даражагача паст бўлиб, об-ҳавонинг аномал совуқ бўлиши кутилмоқда. Шу муносабат билан бўрон огоҳлантируви эълон қилинган.

28-29 январь кунлари кечаси ҳаво ҳарорати 11-14, кундузи 2-5 даража совуқ, шимолий ҳудудларда 17-20 даражагача, кундузи 7-10 даража совуқ бўлади.

Кутилаётган совуқлар автотранспорт, алоқа, энергетика ва коммунал хизматлар ишини қийинлаштириши мумкин, дейилади "Ўзгидромет" маркази тақдим этган хабарда.

Кўпроқ янгиликлар