Ўзбекистон Республикаси Вазирлар Маҳкамасининг 2017 йил 18 октябрдаги «Чорвачилик ва балиқчилик озуқа-ем базасини мустаҳкамлаш чора-тадбирлари тўғрисида»ги 845-сонли қарори қабул қилинди.

Қарор матнида дастлабки ҳисоб-китобларга кўра, айни пайтда республикамизда 6 мингдан зиёд чорвачилик ва 3 мингдан зиёд балиқчилик хўжаликлари фаолият кўрсатаётгани келтирилган. Жорий йил якунларига кўра 2.319 минг тонна гўшт ва сунъий ҳавзаларда 60 минг тонна балиқ етиштириш кутилмоқда.

Қарорга асосан ўрнатилаётган тартибга кўра, чорвачилик ва балиқчилик йўналишидаги тадбиркорлик субъектларига 2017 йил ҳосилидан бошлаб ғалла сотуви ем-озуқа мақсадларида давлат ресурсларидан ажратиладиган «Ўзбекистон республика товар хомашё биржаси» АЖ биржа савдолари орқали реализация қилинади.

Шунингдек, чорвачилик ва балиқчилик йўналишидаги тадбиркорлик субъектларига давлат ресурсларидан озуқа-ем мақсадларида ажратиладиган ғалланинг реализация қилиниши ҳақидаги низом; 2017 йилнинг II ярим йиллиги ва 2018 йилнинг I ярим йиллиги учун давлат ресурсларидан ажратиладиган ғалланинг квотаси ҳажми тасдиқланган.