O‘zbekiston Respublikasi Prezidentining 2017 yil 2 sentabrdagi «Valyuta siyosatini liberallashtirish bo‘yicha birinchi navbatdagi chora-tadbirlar to‘g‘risida»gi PF-5177-sonli Farmonini ijro etish uchun O‘zbekiston Respublikasi Markaziy banki Boshqaruvining qaroriga muvofiq Tijorat banklari tomonidan xorijiy valyutadagi hisobvaraqlarni yuritish Tartibiga o‘zgartirish va qo‘shimchalar kiritildi.
 
Hujjat hisobvaraq egasiga xorijiy valyuta naqd shaklda berilishi mumkin bo‘lgan ikki holat bilan to‘ldirildi:
 
•  fermer xo‘jaliklarining valyuta hisobvaraqlarida bo‘lgan summalar – hisobvaraq egasining farmoyishiga muvofiq;
•  yuridik shaxs tashkil etmagan holda tadbirkorlik faoliyatini amalga oshiradigan jismoniy shaxslar–rezidentlarning (yakka tartibdagi tadbirkorlar) valyuta hisobvaraqlaridan mablag‘lar.