Har yilning sentabr oyida Yevropaning turli burchagidan kelgan tomoshabinlar Berlinda to‘planishadi. Bu yerda jahon elektronika sohasidagi eng yirik ko‘rgazmalardan biri IFA (Internationale Funkausstellung Berlin) bo‘lib o‘tadi. Aytish joizki, u salkam yuz yil avval ish boshlagan. 1930 yilda birinchi ko‘rgazmani shaxsan Albert Eynshteynning o‘zi ochgan.
Bugungi kunda yetakchi texnika ishlab chiqaruvchilar 159 ming m2 maydonda o‘z ishlanmalarini namoyish qiladi. Trendymen internet nashri undagi muhim va e'tiborga molik asosiy mahsulotlarga diqqatni qaratadi.
LG V30
LG kompaniyasining yo‘qlikdan borliqqa yuzlanishi uchun barcha imkoniyatlarga ega deyish mumkin. Uning LG V30 smartfoni boshqa raqobatchi kompaniyalar mahsulotlariga bemalol maydon o‘qiy oladi. Ko‘p yillar mobaynida LG konstruktorlari iste'molchiga ikkinchi darajali narsalarni taklif etib kelishdi. Ammo bu safar barchasi jiddiy. Dizayn premium toifada, yirik romsiz ekran va juda yuqori sifatli video olish uchun 2 ta kamera.
400 Gb lik microSD xotira kartasi
Albatta, ma'lumotlarni virtual bulutda saqlash qandaydir buyumlarda saqlagandan ko‘ra yaxshiroq. Ammo tirnoq kattaligicha keladigan mitti plastmassada 400 Gb lik axborotni saqlash ajoyib, shunday emasmi?
Samsung Gear Sport
Keng tarqalgan turli qarashlarga qaramay, smartwatches (aqlli soatlar) hamon ishlab chiqarilmoqda va ular ommabop. Gear Sport harbiy qurilmalar kabi himoya darajasiga ega. To‘g‘ri, bu gap Samsung mutaxassislariga tegishli. Bu soatdan hovuzda, yugurish yo‘lagida va boshqa istalgan joyda foydalanish mumkin. Gadjyetning o‘zi siz nima bilan shug‘ullanayotganingizni aniqlaydi va ekranga yurak urushini chiqaradi. Unda yo‘nalishni ko‘rsatib turuvchi GPS ham bor. Shunday ekan, adashib qolmaysiz.
Acer Predator Orion 9000
Agar siz qachonlardan beri eng katta, eng kuchli va eng zo‘r o‘yin kompyuteri haqida orzu qilgan bo‘lsangiz, Acer Predator Orion 9000 aynan siz uchun. Dahshatli kompyuter 18-yadroli Intel Core i9 Extreme Edition protsessori va 4 kanalli 128 Gb lik DDR4 xotirasi o‘rnatilgan. Balki 4 ta videokarta xohlarsiz, bu ham muammosiz. Biroq unii joylashtiirishga alohida bosh qotirishga to‘g‘ri keladi.
Polaroid Pop
Lahzalik suratlar davri o‘tdi, deb o‘ylasangiz xato qilasiz. Polaroid kompaniyasining yangi mahsuloti maxsus rangsiz ZINK tasmasiga juda a'lo sifatdi raqamli suratlarni chop etadi. Ayni vaqtda ushbu gadjyetga qiziqish bildirayotganlar soni ortib bormoqda.
Lenovo Star Wars: Jedi Challenges AR
Bu haqiqiy jyeday to‘plami! Hozircha Lenovo Microsoft HoloLens raqibi bo‘lishni istamayapti ham. Biroq Disney kompaniyasi bilan hamkorlikni yo‘lga qo‘ygan. U «Yulduzlar jangi» olamiga sho‘ng‘ish imkonini beradi. Yorug‘liq qilichlaridagi jang, kuch orqali muloqotlar va nima uchundir 3 hadli shaxmatlar.
Sony "aqlli" karnayi
Yaponlar yana hayratga sola boshlashdi. Sony kompaniyasining Google Assistant yordamchisiga ega aqlli ovozkuchaytirgichi Google Home kabi bo‘lsa-da, uning tovush sifati ancha yaxshi va jarangliroq. Umuman, kolonka musiqa tinglovchilar hamda robot bilan hasratlashishni istaganlar uchun juda munosib sovg‘a bo‘ladi.
Samsung kompaniyasidan o‘yin monitori
Geymerlar uchun yana bir ajoyib sovg‘a: ulkan, juda keng egri shakldagi displey atigi 1-millisoniyada tasvirni aks ettira oladi. Uning yangilanish oralig‘i 144 Gts va HDR formatda. Mayli, u barchaga ham to‘g‘ri kelavermas, ammo unda fantastika filmlarini tomosha qilishni tasavvur qiling-a!
