Uber kompaniyasi safardan so‘ng ham taksi yo‘lovchilarining geolokatsiyasini kuzatib borishdan bosh tortdi. Bu haqda Reuters xabar bermoqda.

Uber Technologies Inc. xavfsizlik xizmati rahbari Jo Salivanning aytishicha, kompaniya taksidan tushgan yo‘lovchilarni qo‘shimcha ravishda besh daqiqa davomida kuzatib borish imkonini bergan maxsus funksiyani o‘z ilovasidan o‘chirib yuboradi.

O‘zgarishlar haqida yaqin vaqt ichida ma'lum qilinadi, iOS uchun yangilangan ilova shu haftadan ishga tushadi.

Avvalroq Uber’ga yangi rahbar tayinlangani xabar berilgandi.