Germaniyaning BMW avtomobilsozlik kompaniyasi rasman yangi avlod Z4 rodsterining prototipini namoyish qildi. U keyingi yildan ishlab chiqarila boshlanadi. Kontsept-kar taqdimoti Amerikaning Pebble Beach Concours d’Elegance nafislik ko‘rgazmasida bo‘lib o‘tdi.

«BMW Concept Z4 kompaniyamiz avtomobillarining tashqi ko‘rinishlariga yangi uslubni namoyish etadi», – dedi BMW guruhi bosh dizayneri Adrian van Xoydonk. Uning so‘zlariga ko‘ra, bu avtomobil seriyali rodsterga «juda yaqindir». 

Germaniya avtomobilsozlik kompaniyasi yangi Z4 kontseptini «Toyota» bilan hamkorlikda ishlab chiqmoqda. U Yaponiyada Supra nomi bilan sotadi. Z4 uchun kuch agregatlari va elektronikasi BMW kompaniyasida tayyorlanadi, shassisining qator qismlari, podveskasi, tormoz tizimi Toyota sportkari bilan bir xil bo‘ladi.

BMW va Toyota sportkarlarini Avstriyaning Magna kompaniyasi yig‘adi. Ikkala model ham 2018 yilda konveyerga qo‘yiladi. Bunda BMW va Toyota hamkorligida ishlab chiqariladigan sportkarlarning umumiy soni yiliga 60 ming donani tashkil etadi. 

Kuz mavsumida Frankfurtda bo‘lib o‘tadigan avtoko‘rgazmada BMW kompaniyasi «kuchaytirilgan» sedan M5 va X2 mitti krossoverini namoyish etadi.