SlashLeaks portalida hali e'lon qilinmagan Xiaomi Redmi Note 5A fableti haqida ma'lumotlar paydo bo‘ldi. Asosiy xususiyatlar, chiqish sanasi va narxlardan tashqari, smartfonning nisbatan arzon va qimmat variantlari ishlab chiqarilishi ma'lum bo‘ldi. 

Xiaomi Redmi Note 5A (MDE6) qurilmasining byudjyet varianti 5,5 dyuymli HD-ekran, 4 yadroli Snapdragon 425 chipi, 2 Gb operativ va 16 Gb ichki xotiraga ega bo‘ladi. Asosiy kamera 13 Mp'li modul, frontal kamera esa 5 Mp'li datchik bilan ta'minlangan. Avtonom faoliyat vaqti uchun 3080 mAs'li batareya mas'ul. Yangi qurilma Android 7.1 operatsion tizim tomonidan boshqariladi. 

Nisbatan kuchli variantlari ikki versiyada bo‘lishi kutilmoqda: ular MDE6S va MDT6S model raqamlarini olgan. Shuningdek qurilmalar 5,5 dyuymli HD-displey, Snapdragon 625 protsessor, bir versiya 3 Gb, ikkinchisi 4 Gb operativ xotira bilan ta'minlanadi. Barcha modellar o‘lchami - 153×76,2×7,59 mm, og‘irligi - 150 gramm bo‘ladi.

Xiaomi Redmi Note 5A 21 avgustda namoyish qilinadi. Smartfonning arzon varianti 150 AQSh dollariga baholanmoqda. Takomillashgan versiya narxi hozircha noma'lum.