Olmaliq shahrida giyohvandlik jinoyati fosh etildi

Jamiyat 18:25 / 12.08.2017 5814

Olmaliq shahrida joriy yilning 25 iyul kuni soat 11.00 da Olmaliq shahrida yashovchi 1976 yilda tug‘ilgan Valeriy Georgiyev (ism-shariflari o‘zgartirilgan) uyi oldida gumonlanib tekshirilganda yonidan 18,5 gramm «marixuana» giyohvand moddasi olindi. Bu haqda Toshkent viloyati IIB xabar qilgan.

Shuningdek, 2017 yil 27 iyul kuni soat 12.00 da, o‘tkazilgan tezkor tadbir davomida Yangiyo‘l tumanida yashovchi 1985 yilda tug‘ilgan Nasim Pardayevning uyi gumonlanib tekshirilganda uyi hammomidan 375,6 gramm, uyi oshxonasidan 142,1 gramm «marixuana» giyohvand moddasi olindi.

Ushbu holatlar yuzasidan yuqoridagi shaxslarga nisbatan O‘zbekiston Respublikasi Jinoyat Kodeksning tegishli moddalari bilan jinoyat ishi qo‘zg‘atilib, tergov harakatlari olib borilmoqda. 

Ko‘proq yangiliklar: