Amerikaning Apple kompaniyasi ikkita qurilmani ishlab chiqarishni to‘xtatadi. Bular iPod shuffle va iPod nano raqamli audiopleyerlardir. Bu haqda uning qator OAVda e'lon qilingan bayonotida so‘z yuritilgan. Xususan, The Verge portali ham shu haqda xabar qildi.

"Bugun biz iPod qatorini soddalashtiramiz. Endilikda, ikkita iPod touch modeli xotirasi ikki karra ko‘paytiriladi va eng arzoni 199 dollar turadi. Biz iPod shuffle va iPod nano pleyerlarini ishlab chiqarishdan olamiz", - deyiladi hujjatda. 

iPod touch qurilmalari 32 va 128 gigabaytlik ichki xotira bilan 199 va 299 dollar narxda sotiladi. 16 va 64 gigabayt xotiraga ega modellari esa boshqa ishlab chiqarilmaydi. 

Hozirda iPod shuffle va iPod nano Apple kompaniyasining tarmoq do‘konlarida yo‘q bo‘lsa-da, ularni AQShdagi ayrim savdo markazlarida hamon xarid qilish mumkin. Ular Apple kompaniyasining birmuncha arzon mahsulotlari hisoblanar edi. iPod nano 149, iPod shuffle 49 dollardan sotilgan.

iPod shuffle 2005 yilda bozorda paydo bo‘lgan. iPod nano o‘sha yilning oxirlarida mijozlarga taqdim etilgan. Bloomberg agentligiga ko‘ra, Apple umumiy hisobda 400 mln donadan ortiq turli namunadagi iPod pleyerlarini sotgan. Turli xil iPhone smartfonlaridan esa 1 mlrddan ortiq sotilgan.