O‘zbekiston 2018 yildan boshlab offshor hududlardagi yuridik va jismoniy shaxslarga sug‘urta kompaniyalarining nizom jamg‘armalarida ishtirok etishini taqiqlaydi.
O‘zbekiston Respublikasi Moliya vazirligining o‘rta va uzoq istiqbolli davrida moliya bozorini rivojlantirish Kontseptsiyasi loyihasida shu haqda so‘z boradi. Hujjat normativ huquqiy hujjatlarning muhokamasi portaliga joylangan.
Unga ko‘ra, 2018 yil 1 yanvaridan O‘zbekistonda shunday tartib o‘rnatish ko‘zda tutilganki, unga muvofiq, offshor hududlarda ro‘yxatdan o‘tgan yuridik norezident shaxslar, offshor hududlarda istiqomat qiluvchi xorijiy fuqarolar O‘zbekiston Respublikasida ro‘yxatdan o‘tgan sug‘urta kompaniyalari nizom jamg‘armasida ishtirok eta olmaydi.
