Vodafone uyali aloqa operatorining Ukrainadagi bo‘limi birinchi bo‘lib Ukrainada Rossiya ijtimoiy tarmoqlariga kirishni to‘sdi. 

"112 Ukraina" telekanalining xabar berishicha, ayni vaqtda "Kiyevstar" va "Layf" operatorlari ham sanksiya ostiga tushgan Rossiya saytlariga kirishni cheklash bo‘yicha ish olib bormoqda. 

Avvalroq "Ukrtelekom" Ukrainada "Vkontakte" va "Odnoklassniki" ijtimoiy tarmoqlarini to‘sish bo‘yicha ishni boshlagani ma'lum qilingandi.

16 may kuni Ukraina prezidenti Pyotr Poroshenko Rossiyaning jismoniy va yuridik shaxslariga qarshi sanksiyalar ro‘yxatini kengaytirish haqidagi farmonni imzoladi. Jumladan, sanksiyalar ostiga "Yandeks" va Mail.Ru saytlari hamda "Vkontakte" va "Odnoklassniki" ijtimoiy tarmoqlari tushdi.