2017 yil 24 mart kuni O‘zbekiston Respublikasi Axborot texnologiyalari va kommunikatsiyalarini rivojlantirish vazirligi, Mehnat vazirligi, Oliy va o‘rta maxsus ta'lim vazirligi hamda O‘rta maxsus kasb-hunar ta'limi markazi hamkorligida Qoraqalpog‘iston Respublikasi, viloyatlar va Toshkent shahrida “Axborot texnologiyalari va kommunikatsiyalarini rivojlantirish sohasida mehnat yarmarkalari” tashkil etiladi. Bu haqda Mehnat vazirligi axborot xizmati xabar berdi.
Mazkur mehnat yarmarkalari doirasida axborot texnologiyalari va kommunikatsiyalari sohasida faoliyat olib borayotgan kompaniya, korxona, tashkilot va muassasalar, davlat tashkilotlari xususan, “UNICON.UZ”, “UZINFOCOM” kabi markazlar, shuningdek aloqa operatorlari o‘zlarida mavjud bo‘sh ish o‘rinlari bilan ishtirok etishi rejalashtirilgan.
Yarmarka davomida ishtirokchilar nafaqat bo‘sh ish o‘rinlari bilan tanishishlari, balki o‘z bizneslarini boshlash istagida bo‘lganlarga mavjud soliq imtiyozlari bilan tanishish hamda tegishli kreditlar ajratilishida yaqindan ko‘maklashish uchun soliq organlari va tijorat banklari tomonidan bevosita tadbir joyida amaliy yordam ko‘rsatilishi belgilangan.
Mehnat yarmarkalarida iqtisodiyotning yetakchi tarmoqlari va sohalaridagi kadrlar iste'molchilari va ish beruvchilarining axborot–kommunikatsiya texnologiyalari yo‘nalishidagi talabidan kelib chiqib, Muhammad al-Xorazmiy nomidagi Toshkent axborot texnologiyalari universitetining 2,4 ming nafar balavriat va magistr bitiruvchilari hamda Axborot texnologiyalari va kommunikatsiyalarini rivojlantirish sohasiga biriktirilgan kasb-hunar kollejlarining 22 ming nafar bitiruvchilari ishtirok etishi ko‘zda tutilgan.
Mehnat yarmarkalari quyidagi manzillar bo‘yicha tashkil etiladi:
Toshkent sh. va Toshkent v.: Muxammad al-Xorazmiy nomidagi Toshkent axborot texnologiyalari universiteti (TATU) (Toshkent sh., Amir Temur shox kuchasi, 108-uy), tel. (371)-238-43-57;
Samarqand: TATU Samarqand filiali (Samarqand sh., Shoxruh Mirzo ko‘chasi, 37a-uy) tel. (366) 234-42-10;
Farg‘ona: TATU Farg‘ona filiali (Farg‘ona sh, Mustaqillik ko‘chasi, 185a-uy) tel. (373) 244-44-44;
Qashqadaryo: TATU Qarshi filiali (Qarshi sh., Beshkent trassasi 3 km),
tel. (375) 221-12-08;
Xorazm: TATU Urganch filiali (Urganch shaxri, Al-Xorazmiy ko‘chasi, 110-uy), tel. (362) 224-52-52;
Korakalpog‘iston Respublikasi: TATU Nukus filiali (Nukus shahri, A.Dosnazarov ko‘chasi, 74-uy), tel. (361)222-14-41;
Namangan: Namangan shahar transport va axborot texnologiyalari kasb-hunar kolleji (Namangan shahri, 8-mart ko‘chasi, 6-uy), tel. (369) 227-12-61;
Andijon: Andijon axborot texnoloogiyalari kasb-hunar kolleji (Andijon shahri, Lev Tolstoy ko‘chasi, 36-uy), tel. (374) 226-03-55;
Buxoro: Jondor sanoat, transport va aloka kasb-hunar kolleji (Jondor shahri, Maxmud Tarobiy ko‘chasi, 1-uy), tel. (365) 223-04-40;
Jizzax: Jizzax shahar transport va aloqa kasb-hunar kolleji (Jizzax shahri, Sh.Rashidov ko‘chasi, 259-uy), tel. (372) 226-21-84;
Navoiy: Navoiy informatika va elektron sanoati kasb-hunar kolleji (Navoiy shahri, G‘alaba shox ko‘chasi, 228-uy), tel. (436) 223-82-82;
Surxondaryo: Termiz axborot texnologiyalari va maishiy xizmat kasb-hunar kolleji (Termiz shahri, A.Navoiy ko‘chasi, 41-uy), tel. (376) 223-46-84;
Sirdaryo: Guliston kompyuter va axborot texnologiyalari kasb-hunar kolleji (Guliston shahri, Sh.Rashidov ko‘chasi, 49-uy), tel. (367) 235-00-10.
