WhatsApp va Telegram messenjerlarining veb-versiyalari WhatsApp Web va Telegram Web’da foydalanuvchining shaxsiy ma'lumotlari butligiga xatar soluvchi xavfli xato aniqlandi. Bu haqda Check Point Software Technologies matbuot xizmatida ma'lum qilindi.
Xaker ushbu zaif joydan foydalanib, jabrlanuvchiga surat ostiga niqoblangan zararli kod yuboradi. Foydalanuvchi surat ustiga bosganda xaker foydalanuvchining shaxsiy ma'lumotlariga kira oladi, so‘ngra bu kodni uning barcha kontaktlariga yuborishi mumkin va shu tariqa katta miqyosdagi hujumni amalga oshira oladi.
Check Point ma'lumotlariga ko‘ra, ayni vaqtda WhatsApp va Telegram muammoni bartaraf etish ustida ishlamoqdalar.
