Mercedes-Benz kompaniyasi Maybach markasining birinchi krossoveri G 650 Landaulet‘ni namoyish qiladi. Yangi mashina premerasi Jyenevadagi xalqaro avtosalon doirasida bo‘lib o‘tadi. 

Mashina cheklangan miqdorda, ya'ni 99 ta nusxada chiqariladi. Avtomobil kapoti ostidan V12 va 6.0  litr hajmli benzin dvigatel joy olgan. U 630 ot kuchigacha erisha oladi. Yo‘ltanlamas landolet turidagi kuzovga ega. Bunday kuzovda orqa yo‘lovchilar o‘rindiqlari ustida ochiladigan tom bo‘ladi. 

Mashina salonida elektroprivodli, isitish tizimi, ventilyatsiya va massajyorga ega o‘rindiqlar joylashtirilgan, old yo‘lovchi o‘rindig‘i esa oyoq qo‘yish uchun taglik bilan jihozlangan. Salonda shuningdek ikkita 10 dyuymli displey, klimat-kontrol, isitish va sovitish funksiyalariga ega bo‘lgan stakan qo‘ygichlar o‘rnatilgan.