Janubiy Koreyaning Samsung Electronics kompaniyasi 23 yanvar kuni Galaxy Note 7 smartfonlari yonib ketishi bilan bog‘liq surishtiruv ishlariga doir hisobotini e'lon qiladi. Bu haqda Yonhap yangiliklar agentligi xabar qilgan.
"Biz iste'molchilarning ishonchini qayta qozonish maqsadida, Galaxy Note 7 yonib ketishi sabablarini aniq ko‘rsatamiz va navbatdagi choralarni ma'lum qilamiz", - deya kompaniya vakili so‘zlarini keltiradi agentlik.
2016 yil sentabr oyida Samsung kompaniyasi Galaxy Note 7 telefonlarini akkumulyatorlardagi nuqsonlar tufayli ommaviy ravishda sotuvdan qaytarib olgan edi. Keyinroq, ushbu modeldagi telefonlar ishlab chiqarilishi butunlay to‘xtatilgan va savdodagi barcha qurilmalar qaytarib olingandi.
