Xitoylik olimlar erkin elektronlarda ishlovchi dunyodagi eng kuchli lazerni ixtiro qilishdi. Bu lazer ultrabinafsha nurlanishni paydo qiladi. Bu haqda "Sinxua" axborot agentligi xabar bermoqda.  

Lazer ishlanmasi Xitoy Fanlar akademiyasiga tegishlidir. Lazer qurilmasi har bir pikosoniyada impulslarni 140 trln fotonga aylantirishga qodir. Bu esa olinayotgan ultrabinafsha nurlanishni dunyodagi eng yorqiniga aylantiradi. Bundan tashqari, to‘lqin uzunligi boshqarilishi mumkin. Bu texnologiyani tatbiq qilish mumkin bo‘lgan sohalar ko‘pdir. U ayniqsa turli fizik-kimyoviy jarayonlarni o‘rganishda asqatishi mumkin.

Xabarda aytilishicha, lazer butlovchi qismlarining 90 foizi Xitoyda loyihalanib, shu yerda ishlab chiqarilgan.