«VKontakte» ijtimoiy tarmog‘i foydalanuvchilari mahsulotlar sotuvi va xizmatlar haqida e'lonlar qo‘shishi mumkin. Bu haqda tarmoq vakili xabar bergan.

Avval bunday imkoniyat faqatgina hamjamiyatlarda bor edi, biroq endilikda istalgan kishi e'lon chop etishi mumkin. U bosh menyudagi “Mahsulotlar” bo‘limida obunachilar e'tiboriga taqdim etiladi. Yaqin kunlarda esa bunday bo‘lim ijtimoiy tarmoqning mobil versiyasida ham paydo bo‘lishi rejalashtirilgan.

Bundan tashqari, “Mahsulotlar”da nom bo‘yicha qidirish, shuningdek narx va mintaqa bo‘yicha saralash ham mumkin.