Qoʻshimcha funksionallar
-
Tungi ko‘rinish
Turkiya Rossiya bilan gaz quvuri qurilishi bo‘yicha bitimni ratifikatsiyalashtirdi
Foto: TurkStream
Turkiya parlamenti Rossiya bilan "Turk oqimi" gaz quvuri qurilishi loyihasi bo‘yicha kelishuvni ratifikatsiya qilish to‘g‘risidagi qonunni qabul qildi. Bu haqida RIA "Novosti" xabar berdi.
Hujjat ratifikatsiyasi uchun 210 deputat ovoz berdi, yetti nafari bu loyihaga qarshi chiqdi, olti deputat esa ovoz berishdan saqlandi.
Yaqin kunlarda mazkur qonun Turkiya prezidenti Rajab Toyyib Erdo‘g‘an tomonidan imzolanishi kerak. Shundan keyin u Resmi gazete rasmiy nashrida chop etiladi va kuchga kiradi.
Bundan avval Turkiyaning energetika va tabiiy resurslar vaziri Barot Olbayroq "Turk oqimi" gaz quvuri ustidagi ishlar 2017 yilning boshida boshlanishini ma'lum qilgandi. Anqarada bu loyiha mamlakatning energetika siyosati uchun muhim deb hisoblanmoqda.
Moskva va Anqara 10 oktabrda Qora dengiz tubidan o‘tuvchi, ikki gaz quvuri qurilishini ko‘zda tutuvchi hukumatlararo bitimni imzolashgan.
Biri turk bozoriga gaz yetkazish maqsadida bo‘lsa, ikkinchisi - Yevropaga yonilg‘i tranziti uchun. Rejaga ko‘ra, loyiha 2019 yilning dekabrida tugallanadi.
Mavzuga oid
23:28 / 10.03.2025
Rossiyadan ko‘chmas mulk xarid qilayotgan o‘zbekistonliklar soni oshgani ma’lum bo‘ldi
23:00 / 10.03.2025
FXX ukrainaliklarning Rossiya kirishini 50 yilgacha taqiqlashni boshladi
17:32 / 10.03.2025
Rossiyada 685 ming xorijlik nazorat ostidagi shaxslar reyestriga kiritildi
11:01 / 10.03.2025