Tramp saylovlardagi ovozlarning qayta hisoblanishini qalloblik deb atadi

8 noyabrda bo‘lib o‘tgan AQSh prezidenti saylovi natijalari zudlik bilan tan olinishi kerak. Saylovda g‘olib bo‘lgan Donald Tramp saylovda "yashillar" patiyasidan ishtirok etgan Jill Staynning Viskonsin shtatida ovozlarni qayta hisoblash talabiga shunday izoh berdi. Bu haqda TASS axborot agentligi xabar bermoqda.     

"Xalq o‘z tanlovini qilib bo‘ldi, saylovlar yakunlandi. Xillari Klintonning o‘zi saylovlardan keyingi tunda mag‘lubiyatini tan olib, meni tabriklab shunday degan: "Biz natijani tan olishimiz va so‘ngra kelajakka boqishimiz kerak", deyilgan Trampning yozma bayonotida. 

AQShning 45-prezidenti bo‘lgan Trampning fikricha, saylov natijalarini o‘zgartirishga urinish bu boylik orttirish maqsadida amalga oshirilayotgan qalloblikdir. Trampning fikricha, Stayn shu yo‘l bilan "o‘z kissasini pulga to‘ldirib olmoqchi, u baribir bu pulning katta qismini bu bema'ni qayta hisoblashga ishlatmaydi".  

Avvalroq Stayn bu qayta hisoblashlarni o‘tkazish uchun mablag‘ yig‘ishni amalga oshirgandi.