Mourino o‘yindan keyin Kontening qulog‘iga nima degani ma'lum bo‘ldi

«Manchester Yunayted» jamoasi bosh murabbiyi Joze Mourino «Chelsi»ga qarshi o‘yindan keyin raqiblar bosh murabbiyi Antonio Kontega nima degani ma'lum bo‘ldi.

«Bunday nishonlamaslik kerak. 1:0 bo‘lsa mayli edi.  4:0 hisobida esa bu shunchaki bizni yerga urishdir», – deya uning so‘zlarini keltirgan Italian Football TV.

Bundan oldinroq Antonio Konte o‘yin yakunidagi harakatlariga izoh berib (u to‘rtinchi golni katta xursandchilik bilan nishonlagandi - tahr.), muxlislardan futbolchilarga olqish olib berish niyatida bo‘lgani, bunga futbolchilar munosib bo‘lgani haqida aytib o‘tgandi. U Mourino bilan o‘yindan keyingi gaplarni oshkor qilmaslikni ma'qul ko‘rgan.