Yaponiyaning SoftBank mediakorporatsiyasi Saudiya Arabistoni suveren jamg‘armasi bilan 100 mlrd dollar mablag‘ga ega yangi jamg‘armani ishga tushirishga tayyorgarlik ko‘rmoqda, deb xabar bermoqda Financial Times nashri.

SoftBank Vision Fund deb nomlangan yangi jamg‘arma Londonda joylashadi, uning asosiy maqsadi texnologiyalarga investitsiyalar kiritish bo‘ladi. SoftBank mutaxassislari jamg‘arma 5 yillik rejalashtirish bilan investitsiyalar amalga oshirishini ma'lum qildilar. Kompaniyada jamg‘arma o‘z e'tiborini startaplarga qaratadimi yoki "oyoqqa turib olgan" texnologik kompaniyalargami – bu borada hech narsa aytilmagan.