O‘zbekiston Respublikasi 2016 yilning oxiriga qadar 1,1 mlrd dollarlik tekstil va tikuv-trikotaj mahsulotlarini eksport qilishni rejalashtirmoqda.

Hozirda “O‘zbekengilsanoat” o‘z mahsulotlarini dunyoning 50dan ortiq mamlakatlariga eksport qilmoqda. Ular orasida MDH mamlakatlari, Yevropa, XXR, AQSh, Kanada, BAA va boshqa mamlakatlar bor, deb xabar qilmoqda UzDaily.uz sayti.

O‘tgan yili bu borada yangi bozorlar kashf qilinib, Lixtenshteyn, Mavritaniya, Pokiston, Gruziya, Xorvatiya, Nigeriya kabi davlatlar bilan hamkorlik yo‘lga qo‘yildi. 

Bundan tashqari, O‘zbekistondagi to‘qimachilik korxonalarining xorijda 40dan ortiq savdo uylari tashkil etilgan bo‘lib, bu o‘zbekistonlik ishlab chiqaruvchilar uchun chet ellik sheriklar topishda juda muhimdir.