Qoʻshimcha funksionallar
-
Tungi ko‘rinish
Parijdagi “IFTM Top Resa – 2016” ko‘rgazmasi ishtirokchilari O‘zbekistonga katta qiziqish bildirishmoqda

20 sentabr kuni Parij shahrida “IFTM Top Resa – 2016” xalqaro sayyohlik ko‘rgazmasi ochildi. Unda O‘zbekistonning sayyohlik salohiyati keng namoyish etilmoqda. O‘zA bu haqida xabar berdi.
O‘zbekiston Respublikasining Birinchi Prezidenti Islom Karimov boshchiligida turizm sohasini rivojlantirishga doir amalga oshirilgan izchil islohotlar natijasida mamlakatimizda ichki va xalqaro turizm tobora kengayib, sayyohlik olamining yangi yo‘nalishlari kashf etildi. Mamlakatimizdagi tinchlik va barqarorlik, o‘zbekona mehmondo‘stlik, zamonaviy turizm infratuzilmasi hamda dam olish maskanlarida yo‘lga qo‘yilgan yuksak sifatli xizmatlar sayyohlarni o‘ziga jalb qilib kelmoqda.
“IFTM Top Resa” - dunyodagi eng yirik va nufuzli xalqaro ko‘rgazmalardan biri. Joriy yilda ushbu ko‘rgazmada AQSh, Avstriya, Belgiya, Buyuk Britaniya, Germaniya, Braziliya, Rossiya, Belarus, Vetnam, Hindiston, Isroil, Eron va boshqa mamlakatlardan 1500dan ziyod sayyohlik firma va kompaniyalari o‘z xizmatlarini taklif etmoqda. Ko‘rgazma sayyohlik sanoatining barcha zamonaviy yo‘nalishlarini o‘zida jamlagan.
Fransiya poytaxtidagi “Porte de Versailles” ko‘rgazmalar zalida o‘tkazilayotgan nufuzli turizm forumidan joy olgan “O‘zbekiston” milliy stendi o‘ziga xos ko‘rkam dizayni, bezaklari va mazmunan boyligi bilan ishtirokchilar e'tiborini tortmoqda. Unda mamlakatimiz tarixiy obidalari, xalqimizning milliy an'ana va qadriyatlari aks ettirilgan. Samarqand, Buxoro, Xiva, Shahrisabz va Toshkent shaharlarining diqqatga sazovor joylariga oid rang-barang ma'lumotlar, xalq hunarmandchiligi buyumlari yarmarka ishtirokchilarida katta qiziqish uyg‘otmoqda.
Mazkur xalqaro ko‘rgazma jahon hamjamiyatini mamlakatimiz sayyohlik sanoati imkoniyatlari bilan keng tanishtirish, xorijning sayyohlik kompaniyalari bilan o‘zaro hamkorlik aloqalarini mustahkamlash, ikki va ko‘p tomonlama manfaatli shartnomalar tuzish, sayyohlik biznes rivojining tendensiyalarini aniqlash, jahon sayyohlik bozoridagi yangiliklar va o‘zgarishlar bilan yaqindan tanishish hamda bu borada o‘zaro fikr va tajriba almashish imkonini yaratadi.
Manbaga ko‘ra, O‘zbekistonning Fransiyadagi elchixonasida mamlakatimizning sayyohlik salohiyati mavzusida taqdimot o‘tkazilgan. Tadbirda ikki mamlakat turistik tashkilotlari o‘rtasida bitimlar imzolangan.
Tavsiya etamiz
Yevropa Ittifoqining 18-sanksiyalar paketi Rossiyaga qanday ta’sir qiladi?
Jahon | 23:12 / 21.07.2025
Uy sotib olishda aldanib qolmaslik uchun nimalarga e’tibor qilish kerak?
Ko‘chmas mulk | 16:30 / 21.07.2025
Super-kontraktni bo‘lib-bo‘lib to‘lash mumkinmi?
Ta’lim | 11:29 / 21.07.2025
Davlat OTMga qabul kvotalari tasdiqlandi
Ta’lim | 11:09 / 21.07.2025
So‘nggi yangiliklar
-
Zo‘ravonlikning oldini olish bo‘yicha qo‘shimcha choralar qabul qilindi
O‘zbekiston | 07:28
-
Maxsus xizmat: Germaniyada Rossiyaning josuslik urinishlari ko‘paydi
Jahon | 07:24
-
Britaniyada depressiyaga chalingan odamlarga futbolga borish tavsiya etildi
Sport | 23:20 / 22.07.2025
-
AQSh Trampning yangi muddati davomida Ukrainaga birinchi harbiy yordam shartnomasini e’lon qildi
Jahon | 23:01 / 22.07.2025
Mavzuga oid

00:57 / 21.07.2025
Aliyev: «Qorabog‘ni tiklashda ilk sovg‘ani O‘zbekiston bergan»

08:12 / 06.07.2025
Parijda 100 yillik taqiqdan keyin Senada cho‘milishga ruxsat berildi

13:36 / 03.07.2025
Anorbank aksioneri Parijda o‘g‘irlab ketildi. Tafsilotlar

21:30 / 02.07.2025