Isroil samolyotlari Suriya artilleriyasiga hujum qildi

Isroil aviatsiyasi 13 sentabrga o‘tar kechasi Suriya hukumati qo‘shinlari tarkibidagi artilleriya qismi joylashgan hududdan otilgan snaryad mamlakat hududiga, Golan tepaliklarining Isroil tomonidagi qismiga kelib tushganiga javoban Suriya hududiga hujum uyushtirgan.

Bu keyingi 9 kun mobaynidagi to‘rtinchi shunday holat bo‘ldi.

Suriya artilleriyasi tomonidan otilgan snaryad oqibatida jabrlanuvchilar bo‘lmagani aytilgan. 

Isroil harbiylari rasmiy Damashqni qo‘shni davlatga nisbatan agressiv harakatlarda ayblamoqda.

"Biz Suriyadagi tuzum Suriyadagi harakatlar uchun javobgar deb bilamiz. Biz Isroil suvereniteti va isroilliklarga mavjud tahdidlarga toqat qilib turmaymiz", deyilgan armiya vakillari bayonotida.