Rossiya IIV polkovnigining uyidan sakkiz mlrd rubl musodara qilindi

Rossiya tergovchilari, mamlakat IIV "T" boshqarmasi rahbari o‘rinbosari Dmitriy Zaxarchenkoning uyida tintuv o‘tkazishganda, uning uyidan 8 mlrd rublga teng xorijiy valyuta musodara qilingan, deb xabar qilmoqda RIA Novosti huquq idoralaridagi manbasiga tayangan holda. 

"Polkovnik Zaxarchenkoning uyidagi tintuv hozirgina yakunlandi. Dastlabki hisob-kitoblarga ko‘ra, undan yirik miqdorda dollarlar olingan. Xorijiy valyuta qiymati 8 milliard rublga yaqin", — degan manba agentlik bilan suhbatda. 

"Mablag‘ning yakuniy miqdori ma'lum emas. Hozircha faqat uydagi naqd pul musodara qilindi. Bu yo‘nalishda ish olib borilayapti", — deb qayd etgan manba. 

Rossiya IIV korrupsiyaga qarshi kurash rahbari o‘rinbosari Zaxarchenko yirik miqdorda pora olayotgan vaqtda qo‘lga olingan edi.