Rossiyada sentabr boshidan bir kuni qazib olinadigan neft hajmi 11 mln barreldan oshib ketdi, deb xabar bermoqda RIA “Novosti” axborot agentligi.  

Bloomberg axborot agentligining ma'lum qilishicha, bunday ko‘rsatkich 1991 yildan beri birinchi marta yuz berdi.  

Ta'kidlanishicha, avgust oyida bu ko‘rsatkich iyulga nisbatan 1,6 foizga tushib ketib, kuniga 10,71 barrelni tashkil qilgan. 

Bundan avvalroq Saudiya Arabistoni va Rossiya energetika vazirlari neft bozorini barqarorlashtirish maqsadida qo‘shma bayonot imzolashdi. Bundan tashqari, ikkala davlat neft qazib olish hajmini iyul-sentabr darajasida muzlatib qo‘yishga tayyorliklarini bildirganlar.