«Manchester Yunayted» «Yuventus»dan Pol Pogbani tibbiy ko‘rikdan o‘tkazish uchun tegishli ruxsatnomani olgan. Yarim himoyachisi inglizlar qarorgohidagi tibbiy majmuada ko‘rikdan o‘tkaziladi.

Bundan oldingi xabarlarda mankunianliklar futbolchi uchun futbol tarixidagi rekord darajada mablag‘ (110 million yevro naqd va 10 million yevro bonus ko‘rinishida) to‘lashi haqida aytilgandi.

«Yuventus»ga Pogba «MYu» bilan shartnomasini uzaytirishi evaziga yana 5 mln yevro berilishi mumkin.

«Manchester Yunayted» Pogbaning agenti bo‘lmish Mino Rayola bilan ham shaxsiy shartnoma bo‘yicha kelishuvga erishgan. Unga ko‘ra, futbolchining maoshi yiliga 20 million yevroni tashkil etadi.

Jamoa rasmiy tvitterida "Pogba qaytdi" ilovasi bilan foto qoldirilgan.