Peruning yangi prezidenti Peru Pedro Pablo Kuchinski vazirlarni badantarbiya mashqlari bajarish uchun olib chiqqan. Reuters xabariga ko‘ra, mashg‘ulotlar davlat rahbari qarorgohi hovlisidagi o‘tkazilgan.

Mashg‘ulotda 77 yoshli prezident bilan birga Vazirlar mahkamasidagi 19 vazirdan 11 nafari ishtirok etgan. Mashg‘ulotni fitnes bo‘yicha 2 murabbiy boshqargan.

Yarim soatga yaqin davom etgan jismoniy mashg‘ulotlar qarorgoh devori ortida to‘plangan tomoshabinlarning olqishiga sabab bo‘lgan.

Davlat rahbari vazirlar uchun sport mashg‘ulotlarini har hafta o‘tkazishga va'da bergan. Uning so‘zlariga qaraganda, aholisining yarmidan ko‘pi ortiqcha vazndan aziyat chekuvchi mamlakatda sog‘lom hayot tarzini targ‘ib qilish muhim hisoblanadi.

Qayd etish kerakki, saylovoldi kampaniyasi vaqtida Kuchinskiga yoshi va sog‘lig‘i masalasida ko‘p savol berishar edi.

Kuchinski saylovda raqibi 50,12 foiz ovoz to‘plab, raqibi Keyko Fuximorini ortda qoldirdi. Mamlakatning sobiq prezidenti Alberto Fuximorining qizi bo‘lmish bu siyosatchi 49,88 foiz ovoz olgandi.