Saudiya Arabistonining Olimpiadaga boradigan sportchilari orasidan 4 ayol sportchi o‘rin oldi. Bu haqda France-Presse axborot agentligi xabar bermoqda. 

Saudiyalik ayollar tarixda ikkinchi marta Saudiya Arabistonini Olimpiadada taqdim qiladilar. 2012 yilgi London Olimpiadasida Saudiya Arabistoni terma jamoasida 2 nafar ayol bo‘lgandi. 

Riodagi Olimpiadada ishtirok etadigan saudiyalik ayol sportchilar orasida avvalgi Olimpiada ishtirokchisi – yuguruvchi Sora Al-Attor bor. U Londondagi Olimpiadada 800 metrlik masofaga dastlabki yugurishda raqiblariga 30 soniyadan ko‘proq yutqazgandi. Sportchi navbatdagi Olimpiadada marafonda ishtirok etadi. 
Olimpiadada saudiyalik ayol sportchilardan, shuningdek, dzyudochi Vujud Fahmiy, qilichboz Lyubna Al-Umayr va yuguruvchi Kariman Abu Al-Jadayil ham ishtirok etadi.

Ular Olimpiadaga saralash bosqichlaridan o‘tmasliklari uchun Xalqaro Olimpiya qo‘mitasi tomonidan o‘yinlarda ishtirok etishga taklif qilindilar.