Shu yilning 1-12 avgust kunlari Litvada "Olovli momaqaldiroq-2016" harbiy mashg‘ulotlari bo‘lib o‘tadi. Unda, NATOning besh davlati hamda Ukraina minomyotchilari qatnashadi, deb xabar qilgan Litva mudofaa vazirligi matbuot xizmati. 

"Harbiy o‘quv mashg‘ulotlarida AQSh, Germaniya, Portugaliya, Latviya, Litva harbiylari va Ukraina artilleriya qo‘shinlari vakillaridan iborat 1,1 ming nafarga yaqin harbiy xizmatchi qatnashadi", — deyiladi mudofaa ma'muriyati xabarida. 

Manyovrlar general Silvestras Jukauskas, general Povilas Plexanavichyus nomidagi hamda Gayjyun poligonlarida bo‘lib o‘tadi.