1979 yilgi aviahalokat sabab hayotdan ko‘z yumgan 17 «paxtakorchi» xotirasiga bag‘ishlab har yili an'anaviy tarzda o‘tkaziladigan turnirning 2016 yilgisi 5 avgust kuni boshlanadi.

«Paxtakor» futbol klubi rasmiy sayti xabariga ko‘ra, 10 avgustga qadar davom etadigan bu musobaqa uchrashuvlari «Chilonzor» stadionida o‘tkaziladi.

Xotira turnirida 2001 yilda tug‘ilgan futbolchilarni jamlagan 12ta jamoa ishtirok etadi. Jumladan, Toshkentning «Paxtakor», «Paxtakor-2», «BO‘SM-16» hamda, Buxoro, Urganch, Samarqand, Jizzax, Chust, Termiz, Qo‘qon va Olmaliq shaharlari jamoalari.