International Champions Cup doirasida «PSJ» - «Lester» uchrashuvi nihoyasiga yetdi. Uchrashuvda parijliklar jamoasi futbolchilari Angliya chempioni darvozasiga javobsiz to‘rtta gol yo‘lladi.

O‘yinning 26-daqiqasida parijliklar Edinson Kavani penaltini aniq amalga oshirishi evaziga oldinga chiqdi. O‘yinning qolgan qismida Angliya chempionlari darvozasi  Nanitamo Ikone, Lukas Moura va Odsonn Eduar kabi futbolchilar tomonidan bir martadan ishg‘ol etildi - 4:0.

«PSJ» turnir doirasidagi barcha uchrashuvlarda g‘alaba qozondi va 9 ochko bilan turnirning Shimoliy Amerika qismidagi jamoalar orasida yaqqol yetakchiga aylandi. Unay Emeri shogirdlari bungacha «Inter» va «Real»ni katta ustunlik bilan mag‘lubiyatga uchratgandi.

«Lester» 2 uchrashuvda 1 ochko olib, to‘qqizinchi o‘rinda qolmoqda. Jamoa birinchi turda «Seltik» bilan durang o‘ynagandi.

International Champions Cup
Karson, AQSh
PSJ (Fransiya) – Lester (Angliya) – 4:0 

Gollar: 1:0 – Kavani (26, pen.), 2:0 – Ikone (45), 3:0 – Lukas Moura (64), 4:0 - Eduar (90)

"PSJ": Areolya, Mene (Ore, 80), David Luiz (Kryxovyak, 61), Kimpembe (Jorjyen, 80), Maksvell (Kurzava, 79), Di Mariya (Kallegari, 62), Pastore (Rabo, 62), Tiago Motta (Nkunku, 62), Stambuli (Lukas Moura, 61), Ikone (Eduar, 80), Kavani (Ben-Arfa, 61).

"Lester": Shmeyxel, Ernandes (Simpson, 46), Xut, Morgan, Chiluell (Fuxs, 46), Marez (Grey, 66), Mendi (King, 66), Amarti (Drinkuoter, 46), Shlupp (Olbrayton, 46), Uloa, Okadzaki (Musa, 46).

Ogohlantirishlar: Kimpembe, 51 – Ernandes, 9.