Turkiya prezidenti Rajab Toyib Erdo‘g‘an e'lon qildiki, mamlakatda davlat to‘ntarishiga urinishdan keyin barcha harbiy maktablar yopiladi. Bu haqda  Reuters agentligi A Haber telekanaliga asoslanib xabar tarqatgan.

Prezidentning so‘zlariga ko‘ra, barcha maktablar Milliy mudofaa universitetiga birlashtiriladi. Yaqin vaqtlar ichida Resmi Gazete nomli hukumatning rasmiy nashrida bu haqida rasman e'lon qilinadi.

Bundan oldinroq, Turkiyada harbiy to‘ntaruv harakatidan keyin qo‘lga olingan 758 nafar harbiy ozod qilingani haqida xabar berilgandi.

16 iyulga o‘tar kechasi Turkiyada isyonchi guruhlar harbiy to‘ntaruv harakatini amalga oshirishdi. Asosiy to‘qnashuvlar Anqara va Istanbul shaharlarida bo‘lib o‘tdi. So‘nggi ma'lumotlarga ko‘ra, buning natijasida 246 nafar turk fuqarosi halok bo‘lgan (isyonchilarni hisobga olmaganda), 2 mingdan ortiq kishi jarohat olgan.