«Tribuna» sayti o‘tgan haftada amalga oshirilgan jiddiy transferlar o‘nligini tuzib chiqdi.

10. Juliano
«Gremio»dan «Zenit»ga, 7 mln yevro

«Zenit» Rossiya chempionatining yana bir braziliyalik iqtidor bilan boyitdi. 26 yoshli Juliano Sharqiy Yevropada o‘ynash tajribasiga ega – u o‘z vaqtida Ukrainaning «Dnepr» jamoasida yorqin o‘yinlar namoyish etgan, ammo oilaviy sabablar tufayli vataniga qaytgandi. Juliano «Zenit»da Xalkning o‘rnini egallashi haqida aytishmoqda. U o‘z vatandoshining o‘yin uslubiga yaqin o‘yin ko‘rsatadi. Qolaversa, unga piterliklar jamoasida Xalkdan keyin bo‘sh qolgan 7 raqamini berishdi

9. Vissam ben Yyedder
«Tuluza»dan «Sevilya»ga, 9 mln yevro

«Sevilya»dagi fransuzlar soni Gameyro ketganidan keyin ham o‘zgarmaydi. Andaluziyaliklar Gameyroga o‘rinbosar sifatida«Tuluza»dan Vissam ben Yyedderni sotib oldi. 25 yoshli bu futbolchi Fransiya chempionatida 2010 yildan buyon qatnashadi va u shu vaqtgacha 174 o‘yinda 71 marta gol urgan.

8. Jonatas
«Reala Sosedad»dan «Rubin»ga, 7 mln yevro

«Rubin» xarid qilishda davom etadi. Qozonliklarning ispaniyalik murabbiyi Xavi Grasiya Sanches, Samu, Rochina va Song ortidan Ispaniya chempionati vakili bo‘lgan yana bir futbolchini Rossiyaga olib o‘tdi. 27 yoshli Jonatas o‘tgan mavsumda «Real Sosedad» safida 27 uchrashuv o‘tkazib, 7ta gol urgan va 2 marta sheriklarini golli pas bilan ta'minlagan.

7. Adriano
«Barselona»dan «Beshiktosh»ga, 600 ming yevro

Bir qator futbolchilar xarid qilgan «Barselona» keraksiz futbolchilardan xalos bo‘lishni boshladi. Birinchi navbatda braziliyalik universal futbolchi Adriano jamoani tark etdi. U barselonaliklar safida hech qachon asosiy tarkib futbolchisi bo‘la olmadi va turli davrlarda turli amplualarda sinab ko‘rildi. Luis Enrike yangi mavsum uchun Adrianoga joy ajratmagani ma'lum bo‘lgach, uni arzimagan pul evaziga Turkiyaga sotdilar.

6. Chiro Immobile
«Sevilya»dan «Latsio»ga, 8,5 mln yevro

Xorxe Sampaoli klubning hujum chizig‘ini butunlay yangilashga qaror qilgan. Ben Yyedder va Vetto kelgach, italiyalik tajribali futbolchi Chiro Immobilega joy qolmadi. Amaliyotdan ma'lumki, Immobile o‘z futbolini faqat Apennin yarim orolida ko‘rsata olgan, shuning uchun «Sevilya» ko‘p savdolashmasdan uni «Latsio»ga 8,5 mln yevro evaziga sotdi.

5. Aleshandre Pato
«Korintians»dan «Vilyarreal»ga, 3 mln yevro

Adrianodan farqli ravishda, Aleshandre Pato o‘z avlodining eng umidli futbolchilaridan biri edi. 18 yoshida u «San Siro»da «Milan» futbolkasida barchani lol qoldirishni boshlagandi, endi esa uning salohiyati «Vilyarreal»da o‘ynash uchun yetarli bo‘lmoqda… 3 mln yevro evaziga.
Bu raqam Aleshandrening hozirgi sport formasini ifodalaydi.

4. Jo Allen
«Liverpul»dan «Stok Siti»ga, 15,5 mln yevro

Bu haftada APL jamoalari sust harakat qilishdi. Nisbatan eng katta xaridni «Stok Siti» amalga oshirdi, jamoa «Liverpul»dan Jo Allenni sotib oldi. Uels termasi bilan Yevropa chempionatidagi yorqin o‘yinlarga qaramasdan Yurgen Klopp  Allenga yangi mavsum uchun joy ajratmadi. Mersisaydliklar uning uchun 15,5 mln yevro ishladi, «qarg‘alar» o‘z tarkibini liganing eng aniq paslar beruvchi futbolchilaridan biri bilan to‘ldirdi.

3. Aleksandr Lobanov
«Persepolis»dan, «Paxtakor»ga, ?

O‘zbekiston milliy terma jamoasining asosiy darvozaboni Aleksandr Lobanov Erondagi safarini yakunladi. U Oliy liganing ikkinchi mavsumida «Paxtakor» darvozasini qo‘riqlashni boshlaydi

2. Kevin Gameyro
«Sevilya»dan «Atletiko»ga, 32 mln yevro

Gameyroning to‘purarlik xususiyatlari Fransiya terma jamoasi bosh murabbiyi Dide Deshamning nazaridan chetda qolgandi. Lekin transferlar bozorida uni qadrlashdi: Diyego Simeone shaxsan o‘zi Kevinning transferi bo‘yicha ishladi. Natijada  futbolchi 32 mln yevro evaziga Madridda. «Sevilya» yana 5 mln yevroni turli bonuslar ko‘rinishida olishi mumkin. Bundan tashqari, «Atletiko» andaluziyaliklar jamoasiga ijaraga berilgan Lusiano Vettoning maoshini to‘lab beradi.

1. Gonsalo Higuain
«Napoli»dan «Yuventus»ga, 90 mln yevro

Haftaning asosiy transferi Italiyada amalga oshirildi. «Yuventus» Higuain uchun 90 mln yevro to‘lashga jazm etdi. «Napoli» byudjyetini to‘ldirib oldi, ammo muxlislar o‘z kumirlarini u asosiy raqobatchi safiga o‘tgani uchun kechirishmayapti, ularning g‘azabidan jamoa rahbariyati ham benasib qolmayapti. Gonsaloning o‘zi Neapolni jamoa prezidenti Aurelio De Laurentisga ortiq toqat qila olmagani uchun tark etgani haqida aytdi. Bu transfer orqali «Yuventus» futbol tarixidagi eng qimmatbaho 3 transferdan birini amalga oshirdi.

Manba: Tribuna.uz