Nyu-York shahrida paydo bo‘lgan yuqori toifali o‘tov-mehmonxonada bir kecha uchun har bir mehmondan 2 ming dollar pul olinadi. Bu haqda The Daily Mail nashri xabar bermoqda.

Ochiq osmon ostidagi noodatiy nomer Manhetten markazidagi mehmonxonaning 17-qavatida joylashgan. O‘tov atrofida chiroqlar o‘rnatilgan bo‘lib, mebellar bilan jihozlangan.

Dam oluvchilarga xonada gulxan yoqishga ham izn berilgan.

Loyiha mualliflarining aytishicha, o‘tov ovoz va shovqin o‘tkazmaydigan usulda qurilgan. Bu mehmonlarga “uyqu bilmas shahar” shovqin-suronidan dam olishga imkoniyat beradi.