Turkiya bosh vaziri Binali Yildirimning bayonotiga ko‘ra, mamlakat siyosiy partiyalari Turkiya konstitutsiyasiga o‘zgartish kiritish ustida ishlaydi, deb xabar qilmoqda Reuters agentligi.

U bu haqda, prezident Erdo‘g‘an raisligida o‘tgan hukumat majlisidan so‘ng, so‘z yuritgan. 

Yildirimning aytishicha, tomonlarning asosiy maqsadi, davlat to‘ntarishiga urinishdan so‘ng, yangi konstitutsiyani ishlab chiqishdan iboratdir. 

U shuningdek, mamlakat qurolli kuchlari tarkibidagi jandarmeriya va sohil qo‘riqlash xizmati IIV qo‘mondonligiga o‘tishini ma'lum qildi. 

Avvalroq, Turkiya rahbariyati huquq himoyachilarining qiynoqlarga yo‘l qo‘yilayotgani to‘g‘risidagi ayblovlarini inkor etgan edi.