AQSh prezidentligiga Respublikachilar partiyasidan nomzod Donald Tramp faqatgina o‘z majburiyatlarini bajaradigan ittifoqdoshlarigagina yordam berishini ma'lum qildi. Bu haqida milliarder The New York Times gazetasiga bergan intervyusida fikr bildirdi. 

Trampning aytishicha, u mavjud kelishuvlarni amalda tatbiq etishda davom etish tarafdori. Shu bilan birga u AQShning sheriklari Vashingntonning saxiyligidan foydalanishni bas qilishlari kerakligini ta'kidladi. 

Trampdan Rossiya tomonidan tahdid bo‘lgan taqdirda, NATO bo‘yicha ittifoqdoshlariga yordam ko‘rsatish yo ko‘rsatmasligi haqida so‘ralganda, u quyidagicha javob berdi: "Agar ular bizning oldimizdagi majburiyatlarini bajarayotgan bo‘lishsa, unda - ha".

Shu bilan birga Tramp AQSh boshqa mamlakatlarga "aql o‘rgatishga haqqi yo‘q"ligini aytdi. "Atrofga bir qarang - mamlakatimizda nimalar sodir bo‘lmoqda?! Odamlar sovuqqonlarcha politsiya xodimlarini o‘ldirib ketayotgan bir paytda qanday qilib birovga aql o‘rgatish mumkin?", - dedi milliarder. 

Tramp Qo‘shma Shtatlari birovga to‘g‘ri yo‘l ko‘rsatishdan avval "o‘zining mamlakatida tartib o‘rnatib olishi" zarurligini ta'kidladi. Shu jumladan, u Turkiyadagi to‘ntaruv harakati natijasidagi "tozalash" jarayoniga nisbatan munosabat bildirmasligini ma'lum qildi