Turkiya hukumati davlat to‘ntaruvi tashkilotchilari bilan aloqadorlikda ayblov bilan davlat muassasalarining 49 mingdan ko‘proq xodimini ishdan bo‘shatdi. Bu haqda 19 iyulda turli manbalardan olingan ma'lumotlarga iqtibos keltirgan holda Hürriyet gazetasi xabar berdi.  

"Vazirliklar va davlat muassasalaridagi minglab xodimlar o‘z lavozimlaridan bo‘shatildi. Hammasi bo‘lib 49321 kishi bo‘shatildi", deb xabar berdi nashr.

Hürriyet ma'lumotlariga ko‘ra, hukumat apparati, ichki ishlar vazirligi, Ta'lim bo‘yicha oliy kengash, ta'lim vazirligi, Milliy razvedka tashkiloti, Din ishlari bo‘yicha bosh boshqarma, oila ishlari va ijtimoiy siyosat vazirligi, moliya vazirligi va Energetik bozorlarni nazorat qilish departamenti kabi tuzilmalardan 28 ming 321 xodim bo‘shatilgan. Yana 21 ming xodim ta'lim vazirligiga bo‘ysunuvchi xususiy ta'lim muassasalaridan bo‘shatilgan.     

Shuningdek, Turkiya ta'lim vazirligi xususiy ta'lim muassasalarining 21 ming o‘qituvchisidan litsenziyani qaytarib olgan.

Avvalroq NTV telekanali Turkiyaning Ta'lim bo‘yicha oliy kengashi davlat va xususiy oliy ta'lim muassasalarining 1577 dekani va professorini iste'foga chiqarishga chaqirgandi.

Hürriyet gazetasining ma'lum qilishicha, Turkiyadagi ta'lim sohasidagi kamida 15,2 ming xodim amalga oshmagan davlat to‘ntaruvidan keyin o‘z lavozimidan vaqtinchalik chetlatilgan.