AQSh tomonidan Afg‘onistonda berilgan aviazarba natijasida IShID terrorchilik guruhi yetakchilaridan biri Umar Xalifa yo‘q qilindi, deb ma'lum qildi Pentagon rasmiy vakili Piter Kuk. Bu haqda Reuters axborot agentligi xabar bermoqda.

"Xalifa Pokistondagi ko‘plab terrorchilik operatsiyalari, jumladan 2016 yil yanvarda Bacha Xan universiteti, 2015 yil sentabrda harbiy-havo kuchlarining Badaber bazasi va 2014 yil dekabrda 130 dan ko‘proq bola halok bo‘lgan Peshovordagi maktabga hujumlarni boshqargan", deb aytdi Kuk.

Kukning aytishicha, Xalifadan tashqari yana 4 nafar jangari yo‘q qilingan.