O‘zbekiston Respublikasi Oliy Majlisi Qonunchilik palatasi deputati, “Adolat” sotsial-demokratik partiyasi fraksiyasi a'zosi To‘lqin Abdusattorov Jizzax viloyati G‘allaorol tumanida saylovchilar bilan uchrashdi. Bu haqda «O‘zA» xabar bermoqda.

  Uchrashuvda tadbirkorlikni huquqiy himoya qilish, kasb-hunar kollejlari bitiruvchilarini ish bilan ta'minlash, “Sog‘lom ona va bola yili” Davlat dasturining mazmun-mohiyati, ulardan kelib chiqadigan maqsad va vazifalar ijrosida partiya faollarining o‘rni masalalariga alohida e'tibor qaratildi.

– Mustaqillik yillarida xalqimiz erishgan va erishayotgan ulkan yutuq va marralar eng ulug‘, eng aziz bayramimiz arafasida barchamizda faxr-iftixor tuyg‘ularini yanada yuksaltirmoqda, – deydi deputat T.Abdusattorov. – Bu yutuqlarimiz navqiron avlodimizning har tomonlama barkamol voyaga yetishi uchun yaratilgan sharoitlarda, ular xalqaro miqyosda qo‘lga kiritayotgan beqiyos yutuqlarda yanada yaqqol namoyon bo‘lmoqda.

Uchrashuvda deputat ishtirokchilarni qiziqtirgan savollarga atroflicha javob qaytardi.