Yamaha kompaniyasi suv havzalarini o‘rganish, jumladan dambalarga baho berish uchun mo‘ljallangan to‘liq avtonom Breeze10 qayig‘ini taqdim qildi.

Qayiq 0,5 kVt li elektr motor bilan harakatga keltiriladi. Motor 20 A-soatli litiy-ionli akkumulyator blokidan quvvatlanadi. Bundan tashqari, qayiq bortida 1,6 kVt li generator mavjud. Qayiq avtonom holatda 6 soatgacha suzib yura oladi. 

Suvda mo‘ljalni olish uchun global yo‘ldoshli navigatsiya tizimi va azimutal burchak haqidagi ma'lumotlardan foydalaniladi. Bosib o‘tilgan yo‘nalishlar takroriy nazorat uchun saqlab qo‘yilishi mumkin. 

Qayiq gidrolokator (sonar) – akustik nurlash yordamida suv osti obektlarini tovush bilan aniqlash vositasi bilan jihozlangan.

Qayiq uch rejimda ishlaydi: to‘liq avtopilot, masofadan turib boshqarish va bortda bo‘lgan odam tomonidan boshqarish. Qayiqning maksimal tezligi soatiga 7,2 km ni tashkil qiladi.

Qayiqning o‘lchamlari 3,21 × 1,17 × 0,89 metrni tashkil qiladi. U sayoz joylarda qo‘llanishi mumkin.